Analisti Blendi Kajsiu, i njohur për mendimet e mbrepta dhe qëndrimet konseguente ka botuar në gazetën Panorama dy shkrime në tre ditë lidhur me Ligjin e Importit të mbetjeve. Kajsiu është njëri ndër anëtarët themelues të Aleancës Kundër Importit të Plehrave AKIP, që organizon nesër, bashkë me organizata dhe grupime të tjera, një protestë qytetare kundër rilejimit të importit të mbetjeve. Në këtë shkrim Kajsiu as nuk merret asfare me argumentat që përsërit prej ditësh kryeministri, të cilat në të vërtetë, mbeten thelbësisht të njëjtë me argumentat e Berishës dikur, që Rama i sulmonte jo pa agresivitet.
Në vend që ta vërë industrinë ricikluese në funksion të ambientit shqiptar, ligji e vë ambientin dhe jetën tonë në funksion të industrisë ricikluese. Ironia është se këto argumente tashmë janë kaq të njohura dhe të pranuara nga publiku si pasojë e vetë Edi Ramës që i propagandonte dje bashkë me Aleancën Kundër Importit të Plehrave (AKIP). Sot, në mënyrë të pacipë, Edi Rama na thotë që ata që i mbrojnë këto argumente janë sharlatanë. Pra qytetarët që i besuan Edi Ramës dje, socialistët që firmosën kërkesën për referendum kundër ligjit, si dhe shoqëria civile janë sharlatanë.
Kjo është t’i trajtosh qytetarët e tu si plehra, apo në fjalët e Ramës, si lëndë e parë për industrinë e riciklimit.
Kryeministri është angazhuar aktivisht në rrjetet sociale dhe kronika televizive të gjata e të thelluara, për të mbrojtur ligjin që miratoi një javë më parë. Ky sqarim i hollësishëm i ligjit, erdhi, çuditërisht pasi votat ishin ngritur në Kuvend, si një gomar i lidhur pas karrocës. Ndoshta ishte reagimi i fortë i qytetarëve, që e kanë servirur Ramën vazhdimisht me zhgënjimin, kritikat dhe akuzat e tyre. Argumentat e paraqitur nga mbrojtësit e ligjit kanë të njëjtin nivel besueshmërie si ata që i ofrojnë, të cilët pas piruetës më të shpifur të mundshme tingëllojnë tepkë si mashtrues profesionistë.