Nevermind nga Nirvana u publikua më 24 Shtator 1991 duke i hapur rrugë popullarizimit të rrymës grunge që vlonte asokohe në ‘nëntokën’ e Seattle si dhe duke i hapur rruge popullarizimit të të ashtuquajturës ‘muzikë alternative’. (wiki)
Në mënyrë të ngjashme në Shqipëri, ku Nevermind është parë për shumë kohë si albumi rock par exellence, është adhuruar nga adoleshentë (dhe jo vetëm) të cilët në një farë mënyrë donin të rebeloheshin ndaj shijeve pop të shumicës së bashkëmoshatarëve të tyre, në përpjekje për t’u veçuar paksa nga shijet banale.
Sot pas 25 vjetësh, Nevermind i ruan ende vlerat muzikore, ndërkohë ndjenja melankolike-rebeluese që e përshkon atë ka mbetur po ashtu e paprekur dhe ndoshta e aftë të flasë ende dhe për dëgjuesit e kohëve të sotme.