Eros është e vetmja gjë me vlerë që kemi, na është dhënë si karburant bruto që ta shndrrojme në energji të pastërt superiore, në Agapo.
Konflikti është komplementaritet i papërmbushur, ndërsa kundërtia është komplementare e degraduar.
Në atë botë nuk gjejmë gjë tjetër përveç çfarë çojmë atje.
Misioni dhe tema kryesore e artit dhe kulturës perëndimore është të paraqesë “humbësin e madh” si më të madhin fitimtar. Pra autori oksidental mbetet përgjithnjë i krishterë, dashje pa dashje ilustron Krishtin duke u matur gjithnjë me të, edhe kur bën ateistin, madje akoma më tepër në këtë rast kur ushtron zanatin e të madhit fitimtar.
Ideja e modhe filozofike që “jeta nuk ka kuptim” përdoret si mbulesë për të fshehur idenë akoma më t’modhe që “jeta nuk duhet të ketë asnjë kuptim” se ndryshe na hapet punë për t’i gjetur kuptimin, e më pas kushedi për t’i gjetur veprimin dhe realizimin.
Fundamentalisti më i modh në botë që ka thënë dy shprehje fundamentaliste më të mdhoja në botë:
Me mua ose kunder meje (Mateu 12,30)
Kush nuk është me mua është kundër meje, e kush nuk mbledh me mua, shkapërdan (Lluka 11, 23)
RIP DIEGO ARMANDO !
( ma shum se dhjet grma pra mo)
E mbylli edhe Maradona .
"Man, who is born of a woman , is of few days , and full of trouble …
Figura e intelektualit të shquar del në dritë në kohë të Iluminizmit me Les philosophes frëngë, si kundërpedal i figurës së fetarit obskurantist mesjetar; pra epoka moderne lind si kundërvënie e filozofit ndaj fetarit, racionalizmit ndaj iracionalizmit, mendimit të lirë ndaj dogmës. Epoka dekadente ose postmoderne lind si dalje në bejleg e figurës së artistit të kundërvënë figurave të mëparshme. Shndërrimi gradual i bejlegut në tregun e lirë të mallit kulturor, ku shiten e blihen gjithfarlloj “… rraqe të vjetra kush ka me shiiit!!!”, kumton lindjen e epokës turbopostmoderne.
Pra e reja e vetme tani është kumti që gjë të re s’ka më, përveç përshpejtimit të rritjes së entropisë.
Në proçesin gjyqësor bërë Floberit për romanin Madam Bovari, kundër akuzës së prokurorit për “ofendime moralit publik dhe fetar”, mbrojtja argumentoi se pohimet dhe konsideratat e quajtura skandaloze prej akuzës, nuk jane të Floberit si person me mish e kocka, por të krijesës së tij letrare madam Bovari. Mbrojtja pati sukses, Flober u lirua nga akuza, por kur festohej fitorja në sallonin mondan të sinjora Bertinit, Flober gërthiti, me gotën e shampanjës në dorë, frazën e famëshme:
-Mme Bovary c’est moi
Të pranishmit Proust, Barthes, Foucault, Borges dhe intelektuali i shquar shqiptar ngritën gotat në hava duke bërtitur:
-Për shëndetin e të bukurave sinjorina!
Sot po të kesh qyrre në hundë shoqëruar me temperaturë 37 e gjysëm është tëpkë si të kishje dikur biografinë e keqe.
1 Like
1234567890
Nje nga gjerat me te bukura qe ke thene ndonjehere, dhe ta mendosh qe ke thene shume te tilla. Une tani kam frike te semurem, jo se kam frike nga semundja, po se kam frike nga frika e te tjereve. Nje dhjete me yll, po vetem nje nga ato qe te pelqejne (per pelqimet e kam fjalen) mund te te jap.
1 Like
Astrofizika moderne vë në dukje fenomenin Expansion of the universe, verifikuar nga teleskopi Hubble, që galaksitë duken sikur largohen vazhdimisht midis tyre që nga çasti i krijimit, e sa më larg ndodhet prej nesh galaksia, aq më me shpejtësi largohet, dmth aq më i madh është redshift-i i saj.
A nuk ndodh njësoj edhe me robin që i duket vetja qendër e botës, e sa më tepër kalon koha aq më tepër të tjerët largohen prej tij, dmth aq më tepër rritet ndjenja e vetmisë, konstatim bazë edhe i artit modern?
Corones do I gjendet dermani por puna eshte se ti je idiot e si thote Ron White” you can’t fix stupid@
Historia njerzore zanafillon me një porno: Adami nok Evën dhe me një noir: Kaini i thyen kafkën Abelit, dhe vazhdon me të njëjtin stil eros-thanatos gjithnjë deri në Ditët e Fundit ku porno dhe noir janë dy zhanret artistikë me të dashur për elitat dhe masat e gjëra punonjëse.
Apo jo Stalker?
(pyet Korriksja)
Të gjitha rrugët të çojnë në bordello, me përjashtim të njërës që të çon në Romë.
(se mos kujtoni se “njëra” është rruga Egnatia)
Sa keq qe ke lindur ne kohen e gabuar 
Nuk është dhe aq fat i keq të lindesh në kohën e gabuar, sepse koha e gabuar ka mundësi më tepër të jetë Koha e Shpëtuar (gjithnjë nëse nuk e ke vrimën dhe trutë e shpuar).
Wo Gefahr ist, wächst das Rettende auch - Hölderlin
(Aty ku rreziku gjallon, hedh shtat edhe çfarë shpëton)
“Koha e Shpetuar” dhe “Fati i Keq” jane aq te kunderta sa nuk mund te perdoren ne te njejten fjali. O njera O tjetra