Forcat speciale Amerikane i kanë shkuar në ndihmë ushtrisë filipinase për të rimarrë Marawi City nga ekstremistët islamikë. Këta të fundit mbështeten nga ISIS dhe Aby Sayyaf.
Ky është zhvillim domethënës në rajon sepse jo shumë kohë më parë, presidenti filipinas Duterte kishte kërcënuar se do të përzinte bazat ushtarake Amerikane nga Filipinet. Gjithashtu, ai ndërmori një udhëtim në Kinë, nga i cili u kthye me rreth 25 miliardë dollarë në investime Kineze.
Në të njëjtën kohë, fakti që Amerika ka hapur një tjetër front në Azinë Juglindore nuk është përcjellë ende nga mediat Amerikane. Do të jetë interesant reagimi i publikut Amerikan që ndihet i lodhur me angazhimet afatgjata në Afganistan, Irak e Siri.