Dhjetëra mijëra qytetarë dolën për të vrapuar në Maratonën e Mançesterit, eventi i parë në këtë qytet pas sulmit terrorist, ku mbetën të vrarë edhe 22 persona. Edhe pse rrugët e qytetit ishin të mbushura me policë të armatosur, si forca shtesë për sigurinë, garuesit nuk e ndalën vrapimin e tyre, edhe si një demonstrim force e guximi kundër së keqes.
Mbi 40.000 persona morën pjesë në këtë garë, edhe pse të paktë ishin garuesit profesionistë. Pjesa më e madhe marin pjesë për të treguar dashurinë e tyre për sportin, por edhe për qytetin. Bashkëjetesa e paqtë dhe harmonia janë vlerat që i japin edhe më shumë kuptim sportit e garës.
“NE NUK KEMI FRIKË”, apo “UNË E DUA MARATONËN E MANÇESTERIT”, këto ishin disa nga sloganet e fushatës së maratoës, ku njerëz të ndryshëm i kishin të shkruara në fanelat e tyre. Fëmijë, gra, burra e të moshuar, dolën rrugëve të qytetit 6 ditë pas sulmit për të treguar, se dashuria e harmonia fiton gjithmonë ndaj çdo akti burracak terrorist.
