Një e treta e parashkollorëve dhe dy e treta e fëmijëve në shkollë fillore një smartphone apo tablet, dhe 50% e tyre po i përdorin të pambikqyrur, tregon sondazhi më i fundit i Australian Child Health.
Doktoresha pediatre Anthea Rhodes, drejtuesja e këtij sondazhi kombëtar, tha se ishte diçka shqetësuese se e dinim që shumë fëmijë po kalonin tepër kohë në këto pajisje. Kishte pak prova se përdorimi i një smartphone e zhvillonte trurin e këtyre moshave të vogla, por nga ana tjetër kishim shumë raste që përdorimi i madh i këtyre mjeteve sillte probleme tek shëndeti për fëmijët e vegjël, veçanërisht probleme me gjumin, me shtimin e peshës dhe gjendjen emocionale.
Një prej zbulimeve më të rëndësishëm të sondazhit ishte se pothuajse gjysma e fëmijëve përdorin rregullisht këto pajisje në kohën e gjumit, gjë që i sjell probleme me orarin e gjumit. Ndërsa akoma më shqetësuese ishte shifra, se 85% e prindërve e pranonin se i jepnin fëmijëve të tyre telefonat apo tabletët për t’i mbajtur të zënë, kur kishin punë për të bërë.
The Guardian - https://www.theguardian.com/technology/2017/jun/21/one-third-of-preschoolers-own-smartphones-or-tablets-child-health-poll-finds#img-1