Notre Damme - reportazhe dy dite pas tragjedise

[InkuizitoriMoth]

Kape ket te pakten, se te shumten mund te lexoje te gjitha serite per gjysem ore:

@InkuizitoriMoth

Filosofi dhe politikani Bacon - nismëtar i mendësisë teknologjike moderne të bazuar në progresin shkencor dhe në në zhvillimin ekonomik kapitalist të shfrenuar - dëshmoi për ndikimin e arkeotipit mashkullor-femror në shkencë, politikë dhe ekonomi kur konsideroi materien dhe natyrën si femër. Për të materia ishte “një kurvë e zakonshme” që “nuk i mungon dëshira dhe prirja për ta shpërbërë botën dhe për ta rihedhur në kaosin e lashtë”, e për pasojë ajo “duhet të vihet nën kontroll dhe t’i nënshtrohet rregullit të harmonisë së epërme të gjërave”, ndërsa natyra duhet të bëhet “skllave” e “të vihet nën shërbimin tonë”. Ndërlidhja midis lëvizjeve majtiste, feministe dhe psikoanaliste - të gjithë grusht bashkuar kundër padrejtësisë tradicionale mashkullore - gjëndet tek Marksi i cili shkruante:

… ndarja e punës në origjinë nuk ishte gjë tjetër veçse ndarja e punës gjatë aktit seksual.

Pra sipas Marksit femra e shtypur (pozicion poshtë gjatë aktit, e nënështruar) brënda institucionit të familjes përfaqson proletariatin, ndërsa mashkulli shtypës (pozicion sipër, mbizotërues) përfaqson kapitalin shfrytëzues (tezë e illustruar nga libri Nëna e Gorkit, konsideruar zyrtarisht romani i parë i realizmit socialist). Përpjekja e jashtëzakonshme për të çliruar arkeotipin femror Nënë Tokë nga kthetrat e arkeotipit mashkullor At Qiellor në mënyrë të pashmangshme vë bashkë në pjesën e majtë të spektrit politik “jeshilët” (ekologjistët) - në mbrojtje të planetit tokë të shfrytzuar pa mëshirë prej kapitalizmit modern - me lëvizjen feministe, duke krijuar kështu lëvizjen ekofeministe që thekson lidhjen midis mizogjinisë (urrejtjes mashkullore kundër femrës) dhe urrejtjen kundër natyrës.