Pas dështimit, nisin thirrjet për largimin e Bashës

pd
partiademokratike
demokratike
basha
lulzimbasha

#1

Njerëz si Majlinda Bregu, Astrit Patozi apo Jozefina Topalli mund të ndihen disi të shpaguar sot në mëngjes, pas humbjes në zgjedhje të Partisë Demokratike, por kjo pak a shumë pritej pasi elektorati mund të lexohej relativisht lehtë edhe para së dielës. “Lista fituese” siç Basha e kishte quajtur listën e kandidatëve të përzgjedhur prej tij, nuk arrin as 29% kur afro gjysma e votave janë numëruar. Partia Demokratike shënon në këtë mënyrë një tjetër humbje dhe tkurrje në elektorat.

Shumë të pakënaqur por edhe dashamirë dhe mbështetës të PD-së kërkojnë tani mbajtjen e përgjgjësive, të cilat normalisht bien mbi kryetarin Basha i cili udhëhoqi Partinë Demokratike për 3 muaj në çadër dhe prodhoi këtë rezultat dekurajues për demokratët. Njëri ndër reagimet e para dhe më të forta vjen nga Besnik Mustafaj, shkrimtari dhe ish ministri i jashtëm në qeverinë Berisha. Ai i ka bërë thirrje Bashës, por edhe Berishës të hapin rrugën për ripërtëritjen e PD-së.

Besnik Mustafaj:

Zgjedhjet e radhës për në Kuvendin e Shqipërisë përfunduan. Numërimi i votave vazhdon. Dalja e rezultatit përfundimtar do të vonojë edhe pak, me siguri. Por të dhënat, që tregojnë se opozita ka humbur rëndë janë të mjaftueshme. Veçanërisht dramatike kjo humbje paraqitet për Partinë Demokratike e cila, me gjasa, e ka thelluar fundosjen që pësoi katër vjet më pare. Në rastin më të mirë, mbetet aty ku ka qenë, në fund të posit. Do të dalin shumë veta sot e në ditët në vazhdim, që do të shpallin se kjo humbje ishte e e pritshme dhe se ata e kanë parashikuar dhe paralajmëruar me kohë. Në gjendjen e sotme, kjo lloj largpamesie nuk ka më asnjë rëndësi. Siç nuk ka asnjë rendësi që ne demokratët t’i biem kokës me grushte e të vajtojmë disfatën.

E rëndësishme është që Partia Demokratike, si trupa më jetëdhënëse politike e Shqipërisë, të dëshmojë se zemra dhe truri i saj nuk kanë vdekur. Pa humbur asnjë minute, ajo duhet të mbledhë veten dhe të shohë përpara, drejt zgjedhjeve për pushtetin vendor, që janë pas dy vjetësh dhe ato parlamentare pas katër vjetësh. Ne demokratët, të gjithë, pa asnjë përjashtim, të vjetër e të rinj, duhet të shtrëngojmë dhëmbët për të mbytur dhimbjen dhe të gjejmë forcë te vetja për ta ringjallur Partinë Demokratike, të cilës në zgjedhjet e kësaj here nuk ia pamë as fytyrën në skenat ku fliste për veten e tij kryetari ynë Lulzim Basha. Të gjitha shenjat tona dalluese, me të cilat ne demokratët jemi paraqitur para shqiptarëve qysh në dhjetor 1990 për t’u ushqyer atyre ëndrrën dhe besimin te liria, demokracia dhe barazia e shanseve ishin fshirë për t’i lënë vendin një sajimi të muajve të fundit: “ Republika e re”.

Ky ishte sajimi origjinal i kryetarit të Partisë Demokratike Lulzim Basha. Nuk është hera e parë gjatë këtyre 26 vjetëve që ne demokratët humbim në zgjedhje. Por dështimi i “Republikës së re” është mirëfilli i turpshëm. Dhe është i tillë personalisht për Lulzim Bashën. Prandaj edhe shkundja e Partisë Demokratike duhet të fillojë nga dorëheqja e tij e menjëhershme nga të gjitha funksionet drejtuese në Partinë Demokratike. Do të ishte në nderin e tij që ai ta kryente këtë veprim qysh sot për veten e tij. Ai nuk ka më asnjë të drejtë të flasë në emër tonë. Lulzim Basha është drejtpërdrejtë përgjegjës pse ne demokratët jemi sot kokulur para kombit për pushtetin e pakufizuar që mori një njeri i rrezikshëm për Shqipërinë si Edi Rama me tarafin e tij.

Bashkë me dorëheqjen, Lulzim Basha, në përputhje me kompetencat statutore që i ka ende, duhet të shpallë edhe fushatën zgjedhore për kryetarin e ri të Partisë sipas parimit të vendosur tashmë një anëtar – një votë. Drejtimi i partisë për këtë periudhë zgjedhore duhet t’i kalojë Sekretarit të Pergjithshëm ose një strukture të posaçme, e cila të udhëheqë këtë proces zgjedhor me ndershmëri dhe paanësi ndaj atyre, që do të përfshihen në garë. Lulzim Basha nuk duhet të ketë në dorë asgjë më shumë nga çdonjëri prej antarve të thjeshtë të Partisë. Përndryshe, unë për veten time kam frikë se ai do të përpiqet ta prishë garën me ndërhyrjet e tij. Unë për veten time nuk besoj më se ai do t’i vendose interest e Partisë mbi interest e veta për pushtet.

Gara duhet të jetë e vërtetë dhe plotësisht e hapur për të gjithë antarësine demokrate. Kjo garë duhet te jetë thellësisht transparente për mbarë opinionin publik shqiptar. Unë shpresoj sinqerisht se do të shohim qysh sot emrat e parë të kandidatëve. Gara duhet të ketë gjithashtu një kohë të mjaftueshme, me qëllim që ne, demokratët, t’i njohim mirë cilësitë e kandidatëve, t’i shohim ata nga afër dhe në debate të hapura dhe konstruktive me njëri – tjetrin, të krahasojmë alternativat e tyre për drejtimin e Partisë dhe të bindemi për të zgjedhur atë që do të jetë vërtet më i miri për nga integriteti, më i dituri në familjen tonë politike të qendrës së djathtë, më i vendosuri për t’i bërë ballë një kundërshtari arrogant, të korruptuar deri në palcë dhe shtypës si Edi Rama. Nga secili prej ne demokratëve kërkohet kësaj here një pjekuri e veçantë. Do të vendosim për fatin e Partisë Demokratike. Do të vendosim fatin e opozitës, ku mishërohet në fakt fati i demokracisë tonë. Tashmë e dimë se Edi Rama do një opozitë, të cilën ta tërheqë për hunde, për ta patur fasadë, siç bëri me Lulzim Bashën në marrëveshjen e fundit. Ne e kemi detyrë historike ta shmangim këtë mynxyrë.

Forumi Rinor i Partisë Demokratike është e vetmja strukturë politike në Shqipëri, e cila ka zhvilluar në këto 26 vjet zgjedhje të brendshme përmes një gare dinjitoze e në standartet demokratike europiane. Ky rast përbën pa dyshim një përvojë të çmuar për vetë Partinë Demokratike, të cilën kjo parti nuk duhet ta asgjësojë, pavarësisht gabimit të rëndë që bëri Basha duke e përjashtuar rininë demokrate nga kandidimi për në Kuvendin e ardhshëm të Shqipërisë. Unë do të dëshirojë shumë që FRPD të merrte një përgjegjësi të posaçme në zgjedhjet për kryetarin e ri të Partisë. Kam parasysh këtu administrimin e procesit zgedhor. Pavarësisht për cilin kandidat do të votonte çdonjëri individualisht , kam besim të madh se të rinjt demokratë do të tregohen seriozë dhe parimorë sidomos në fazën më delikate të këtij procesi, që është numërimi i votave dhe nxjerrja e rezultatit. Ata do të na japim një mësim të mirë edhe ne “senjorëve”, që nuk kemi arritur ende të kryejmë me nder një punë të tillë.

Është rasti t’i drejtohem personalisht edhe Sali Berishës. Ne kemi nevojë që ai ta luajë rolin e vet duke mbështetur haptas dhe me parimësi dorëheqjen e Lulzim Bashës dhe çeljen e garës për kryetarin e ri. Duke mbështetur një garë të hapur dhe të ndershme brenda Partisë e cila, në njëfarë mënyre, është e gjithë jeta e tij si politikan, Berisha do t’i bëjë kësaj partie shërbimin, për të cilin ajo ka nevojë. Kësaj here, ndryshe nga katër vitet më parë, parapëlqimin e tij Berisha duhet ta shprehë vetëm me votën e vet të fshehtë. Berisha është i vetmi personalitet demokrat, që me figurën e tij ndikuese, mund ta prishë garën duke e zhballancuar atë. Unë kam besim se kësaj here do të shfaqet Berisha i dikurshëm, siç e kam njohur e çmuar kur punoja për të, duke vënë interesat e Partisë Demokratike përmbi preferencat e tij personale. Unë jam i bindur se Berisha e bën më mirë se cilido nga ne diagnostikimin e lëngatës së Partisë Demokratike. Fëmijët tanë janë tashmë në moshën që kishim ne kur themeluam Partinë Demokratike dhe i hapëm Shqipërisë horizontin e ri. Ne kemi detyrë t’u lëmë këtyre fëmijëve një Parti të shëndetshme. Apo jo, Sali?


#2

Eee, mir e ke ti Besniko, po kjo gje eshte problemi i brendeshem i PD, i antarve te saj, dhe meqe ra llafi, sa antare keni, se mund ti bie qe keni 1 te 10 e popullates, qe do te thote se 9 te 10-tat kane hall tjeter. Kjo vlen edhe per partite e tjera.


#3

Shume tendencioze venia e ketij lajmi te kategorise se trete ne ballinen e peshkut…:sweat_smile:

Besniku kerkoka rilindje, kerkoka perseri Berishen. :heart:️ it! Edhe takakuqja do kete te njejtin mendim besoj.


#4

Eshte normale qe pas rezultatit zhgenjyes,njerezit ti kerkojne llogari kryetarit apo jo?
I njejti kryetar do te pergezohej nese do te dilte fitues.
Apo nuk mban pergjegjesi kryetari per rezultatin?


#5

Si te mos i kerkoje Besua patriotit te beje zgjedhjet vete Ai.Ato ishin zgjedhje,kur i organizonte ai.20 veta votonin,30 flete votimi dilnin.Rezultati 104% per Shqupin


#6

Berisha bashkëpunoi me te majtën ish komuniste , apo një pjese te saje LSI per te qendruar ne pushtet, duke e çuar PD-ne ne 2013 ne rezultat historik negativ . Qeverisja me LSI dhe ndarja e pa drejte e pushtetit me Meten ishte pa dyshim arsyeja kryesore e reagimit negativ te elektoratit naj PD-se ne vitin 2013 .
Rezultatet e sotme te zgjedhjeve jane akoma me keq dhe perseri si pasoje e Marrëveshjes turpshme Rama- Basha dhe pjesëmarrja teknike e PD-se ne qeveri qe u kthye ne nje bumerang electoral per PD . Thashethemet e perhapur me mjeshteri nga Rama qe pas zgjedhjeve koalicioni teknik mund te kthehet ne koalicion politik PD-PS ose anasjelltas ne varësi te rezultatit te zgjedhjeve ishte shqelmi perfundimtar I mosbesimit te electoratit ndaj PD-se ne 25 qershor. Mungesa e transparencës e marrëveshjes Rama- Basha beri qe te ketë shume spekulime ku baza politike e elektorale e PD-se nuk ishte dakord me te sepse midis te majtës dhe te djathtës ka një lume gjaku ende te patharë . Janë me mijëra krime politike qe kane për autor te majtën historike , politike, juridike e gjenetike si dhe varferia, kanabizimi dhe kriminalizimi e shqiperise sot .Prandaj rindertimi i Partisë Demokratike duhet të fillojë menjehere nga dorëheqja e Bashes nga të gjitha funksionet drejtuese në Partinë Demokratike dhe te kerkoj falje shqiptareve per demet e pazarit politik me komunistet.


#7

Pershendetje militante te PDhit! Analizat tuaja me anale (TM idrizi) nuk mbarojne kurre, si ne humbje ashtu edhe ne HUMBJE! :rose:


#8

PDhi vetem analiza nuk ben. Merre me mend, anal-isti me i mire i PDhit eshte Kapo.


#9

Ja, anal-iza e Kapos eshte me e mire se e Naim Cilit psh.


#10

PD-ja humbi dhe ka per te humbur gjithe jeten, persa kohe nuk shperblen demokratet e vertete. Ne qe e krijuam dhe qe jemi shpirti i saj, jemi pa pune, detyruar te largohemi dhe Basha thote do ule taksat. Jo mor jo, thuaj: hajdeni demokrate sepse do merrni cfare ju takon dhe te flase me secilin nga ne per ate qe do na ofroje. Megjithate une personalisht, do vazhdoj te votoj pd-ne dhe keshtu do bejne gjithe ata qe jane shpirti i kombit.


#11

Kjo pergjigje ne vetvete misheron budallallekun e kombit tone.


#12

Ka shume budallenj ai komb qe nuk arrijne te te kuptojne, por dhe kur e kuptojne qe ke te drejte e bejne si puna e dhelpres me rrushte.


#13

Basha e ka te pamundur te mbijetoje por nuk ka shume faj nga krahu tjeter.
Pse do e mundte Edvinin PeDi ne rradhe te pare???

Kurse braktisja e marreveshjeve parazgjedhore Rama-Basha eshte budalleku i rradhes. PeDI e hengri HURIN ose PRESHIN/PRASIN per zgjedhje e nuk duhet TE BRAKTISE KARROTEN.
Nese marreveshja ishte per Votimin elektronik e per sistemin maxhoritar prim, ajo marreveshje nuk ka te beje me humbjen e 25 Qershorit por me zgjedhjet e ardhshme :v:


#14

As ska lidhje fare.
Njaj ven esh bo Venezuele e pashprese


#15

Fiqo si mu gdhite ti ene ai komshiu Sicilist :hugging:


#16

Komshiu si me flete
Fiqua me kom perpjete


#17

Ska gje,se te ben mire per varicet


#18

Nejse cfare hoqi njeriu e nuk duroi, por ene ai komshiu jot ti uli pak flatrat se Shqiperia eshte vend plot halle e plot gropa, Gjigandi ne Timon ska kujt tja lere mo fajin a dobicin ne dere kesaj rradhe…


#19

Ah, leje te gezoje me kenge ne goje.
E merito


#20

Rrofsh, ejvalla,