Mbrëmë kur qeveria së bashku me KM dhe të tjerë ishin mbledhur te piramida për të festuar ditën ndërkombëtare të studentëve. Ajo cka ra në sy që prishi dhe vijimësinë e këtij evenimenti ishte akti i aktivistes, Lëvizja për Universitetin e cila eci mes për mes turmës deri sa arriti te ministrja Nikolla të cilën e spërkati me salcë. Sic u pa edhe në videon e postuar në faqen e tyre ministrja u gjend e papërgatitur duke mos mundur ti shpëtojë situatës. Por cka e shtyu këtë vajzë të ndërmarrë këtë veprim ti cilin ajo e ka quajtur simbol i kryengritjes studentore rreth klimës që po hasin ata sot. Lëvizja për Universitetin e fajëson Ministren e Arsimit,Zonjën Nikolla rreth reformës që ka kryer në arsim, ku studentët trajtohen si klientë duke mos u dhënë zgjidhje tjetër vecse të paguajnë shifra të larta arsimimi ose të mbesin pa shkollë. Në qëndrimin e tyre të përsëritur ata e fajësojnë si shkaktare të favorizimit të universiteteve private duke e kthyer atë shtetërorin në një gjendje të dorës së dytë. Akti i saj simbolizon të gjithë revoltën e studentëve të mbetur pa shkollë si pasojë e tarifave të rritura nga qeveria Rama. Gjithashtu sistemi i ri përjashton një numër të madh nxënësish duke i lënë jashtë sallave të leksioneve për shkak të ndryshimit të formulës së llogaritjeve të pikëve. Lëvizja për Universitetin lindi si një kundërshtim i reformës në arsim e cila kaloi shumë shpejt pa u marrë parasysh qëndrimet e atyre që preken në mënyrë të drejtpërdrejtë ,studentëve… Lëvizja kërkon kthimin pas të ligjit dhe uljen e tarifave. Por kush është Mirela Ruko ? Para disa kohësh në një intervistë të dhënë për emisionin “Zoom” në INTV ajo rrëfen se vjen nga një fshat i Fierit . Pjesë e një familje me tre fëmijë dhe dy prindër të papunë . Me barrën e rëndë që kanë mbi supe për të shkolluar tre fëmijë . Ata sakrifikojnë duke marrë borxh që vajza e tyre të shkojë në universitet. Drama e saj është e shumë familjeve shqiptare të cilat bëjnë të pamundurën që fëmijët e tyre të shkollohen ose dështojnë nga pamundësia ekonomike për ti dërguar në shkollë. Zëri I tyre nuk dëgjohet sepse mbytet nga indiferenca vrastare politike e vitit 2016 ku një I ri mbetet I paarsimuar duke e bërë të ardhmen e tij jo premtuese dhe me shumë mundësi të pa punë !
Julian Cani
2 Likes