Takim romantik me një grua të martuar


#1

Para disa javësh, kur shkrova diçka mbi pse çunat duhet të ruajnë lidhje të forta me shokët, pati shumë reagim edhe nga bashkëshortet e çunave, të cilat jo pa të drejtë na kujtuan se çunat duhet të dalin më shumë edhe me gocat (që kanë në krah). Është e vërtetë dhe duhet pranuar se rutina dhe detyrat e përditshme na bëjnë t’i lëmë pas dore, e ndonjëherë t’i harrojmë fare ca gjeste që dikur na dukeshin të natyrshëm. Ah dikur, dikur. Kush mund ta harrojë zjarrin me të cilin ndizet një lidhje e re, dhe lumturinë që rrethon çiftin e të porsadashuruarve çdo çast… derisa zhduket. Por të gjitha gratë janë vajza, dhe këtë duhet t’ia kujtojmë vetes vazhdimisht, bashkë me faktin se një grua e martuar, endè ka nevojë për romancë.

Për ata që janë të rinj në këtë lojë, më lejoni t’ju uroj mirëseardhjen në botën e jetës në çift. Është një botë ku mund të gjesh qime në lavaman dhe ku ka gjithnjë pika të bardha në pasqyrë. Në këtë botë ka një debat të vazhdueshëm mbi mënyrën sesi qërohet një banane, si vendoset letra higjenike dhe nëse kapaku në banjë duhet mbajtur i ulur apo ngritur. Është një botë ku këmishat nuk hekurosen vetë dhe asnjë pjatë nuk lahet vetvetiu. Në këtë botë kremastaret janë gjithmonë mangut dhe çorapet humbin në lavatriçe. Bëhuni gati për beteja epike, në fushëbetejën e jetës familjare. Mos shkel aty se sa kam larë…

Jam gati të vë bast se shumë prej çunave në lexim i kanë dëgjuar gocat që kanë në krah t’u thonë, “S’je fare romantik!” Unë po për vete, dhe jam, betohem që jam. Por nuk është e lehtë të jesh Romeo nga e hëna në të premte, sidomos kur ke kaq shumë gjëra të tjera për të bërë të cilat nuk përfshijnë xhirot në Veronë.

Dua të ndalem vetëm një çast tek gjërat e shumta që i kemi ngarkuar vetes për të bërë - pasi shumë prej nesh ndajmë mendimin se këto punë janë në fakt një gjest i nëndheshëm romantik. Këtu ngatërrohemi dhe keqkuptohemi, pasi gratë dhe burrat kanë optika të ndryshme mbi çfarë është romanca. Ne kemi mbetur ca mbrapa në këtë kategori. Psh. e shprehim romancën me sasinë e përpjekjeve për “lumturinë (financiare?) familjare”. Nëse nuk është e qartë çfarë po dua të them, do jete sepse fola gjuhën e burrit-gjahtar të 10,000 vjetëve më parë.

Gratë nuk na kuptojnë kur u themi se kemi gatuar për to, kur hamë dhe vetë. Apo se jemi lodhur duke mbajtur fëmijët, që janë edhe tanët. Dhe sidomos nuk kuptojnë pse ne i përmendim këto vazhdimisht. Ne i përmendim pasi për ne keto janë prova të dashurisë sonë, dhe patjetër që janë, por nuk janë gjeste romantike. Këto gjestet romantike janë (qenkan!) tjetër gjë, dhe kanë ndikim shumë të këndshëm tek gratë. Kur bëjmë diçka romantike, i bëjmë të ndihen siç ndihemi ne, kur fiton [ekipi yt i zemrës].

Po ç’mund të bëjë një burrë i ngarkuar me punë e përgjegjësi për të rikthyer ato ndjesitë e kohës kur bashkëshortja ishte “fiksimi i jetës”? Unë nuk jam eksperti i këtyre punëve ndaj për të marrë një këshillë a dy ju drejtova një çifti që duket se e ka zgjidhur më së miri këtë çështje prej 41 vjetësh martesë, dhe ata më thanë këto gjëra, me kushtin që të mbeten anonimë.

E para, duhet të jemi gjithmonë mirënjohës për gjërat që kemi sëbashku. Me gjithë ato lajme idote në televizor, çiftet në Shqipëri duhet që një herë në javë t’i kujtojnë njëri tjetrit të mirat që ndajnë në jetë, bekime si fëmijët, shëndeti dhe miqtë. Asgjë nuk ta rrit kënaqësinë e jetës sa mirënjohja ndaj asaj që kemi, dhe në këtë vorbull, nuk e bëjmë mjaftueshëm.

Bëni gjëra të reja sëbashku, sepse rutina është vrastare për jetën në çift dhe mundet fare kollaj të na bëjë të ndihemi të palumtur. Ndaj nëse keni para të “blini pak lumturi” në çift, mos shpenzoni për sende por për eksperienca të reja. Udhëtoni pra, shkoni në një vend ku nuk keni qënë kurrë, apo fundja shkoni për një akullore a për të parë një film bashkë. Lërini kalamajtë nga gjyshërit kur mundeni, pasi duhet pak pushim prej tyre. Shfrytëzojeni qetësinë për të bërë pak qejf.

Thurni ëndërra të reja në çift, siç bënit kur ishit ende prej pak kohësh bashkë. Me siguri ju kujtohet kur thonit se donit 11 fëmijë. Në çastin kur çiftet ndalin së bëri plane për të ardhmen (qofshin edhe plane të parealizueshme), ato bien pre e rutinave të mërzitshme, pakënaqësisë dhe lodhjes së përgjithëshme të jetës. Ndaj është mirë ta ëndërroni jetën që doni për veten dhe tjetrin në krah, dhe t’ia tregoni njëri-tjetrit dëshirat. Ata që luajnë bashkë, qëndrojnë bashkë.

Mbi të gjitha, shijojeni njëri tjetrin, edhe në gjëra të vogla. Puthuni ca më shpesh, prekuni ca më shumë - pini ndonjë gotë sëbashku e i thoni njëri tjetrit se e doni, sepse edhe kjo bën mirë. Burrat nuk duhet t’i perceptojnë si armiq, por si aleatë përvjetorët apo Shën Valentinët, sepse, megjithë komercialitetin që përmbajnë, janë kujtesë e mirë për tipa që përndryshe lulet, kartolinat, çokollatat do t’i dërgonim vetëm në ëndërr. Kur vendosni të shpenzoni para, çojeni deri në fund gjestin. Nëse do ta nxirrni jashtë për darkë, dërgojini një ftesë (gjejeni mënyrën sepse ka), apo nëse gatuani në shtëpi, printoni një menu nga Word, me ca zemra, sepse atyre u pëlqenkan këto. Dhe të tjera.


#2

Ne parim e ke mire por ne realitet “it takes two to tango” thote inglizi.
Nuk eshte e rastit qe numuri me I madh I ndarjeve ndodhin pas atyre festave komerciale,qe ti na i keshillon ti kemi aleate dhe jo armiq dhe eshte normale nje ndenje armiqesie nga ana e burrave ndaj ketyre festave,qe me shume prishin pune se sa ndreqin.
Ka njerez qe asnjehere nuk kenaqen me cfare kane dhe asnje gjerat romantik nuk eshte i mjaftueshem.
Prandaj numuri i MGTOW po rritet ne shifra alarmante.
Fatkeqesisht nuk ka kure per sherimin e gjendjes ku ndodhet martesa sot.
E sulmuar nga te gjitha anet,sidomos nga liberalet,martesa po jep ngrahmat e fundit dhe ironikisht ata qe japin keshilla per lumturine ne cift,kane qene ata qe i vune kazmen marteses tradicionale duke goditur rolet e bashkeshorteve ne martese dhe duke e ngaterruar me burra qe martohen me burra dhe gra me gra.
Te gjitha keshillat qe jepen nuk e shpetojne martesen,thjesht po shtyjne fundin e saj.


#3

Dashuria nuk do te thote te shohesh njeri-tjetrin, por te shohesh se bashku ne te njejtin drejtim -
Antoine de Saint Exupéry.


#4

Ju ndoqa edhe në Top Show dhe të them të drejtën u dakordësova me shumë nga mendimet e tua në atë emision pavarësisht se një pjesë e panelit ishte për faqe të zezë .


#5

ACDC, prishja e marteses dhe familjes tradicjonale eshte fenomen pak me i hershem se sa e trajton ti. Ate qe ti tani quan tradicjonale, eshte e prishur ka do kohe, ndryshe Trump qe ti ke votuar, nuk do te pallonte lirisht Ana Kareninen dhe Ema Bovarine.

Keto probleme qe vihen re tani hapur, ekzistonin dikur te fshehura brenda familjes tradicjonale, ndryshe liberalet nuk mund te benin asgje nga hiçi. Ata jan kapur diku per te vene minat, kan gjet shesh, per te bere pershesh.


#6

Nuk e ve ne dyshim qe martesa tradicionale nuk ka qene ideale,por nuk e meritonte te katandisej ne kete gjendje.


#7

Ti do me qa ne menyre sentimentale si Ema Bovari per meritat e mdhoja te tradites, apo do me kuptu se çfar ka ndodh vertet, e per pasoje si mund te riparohet?


#8

Per mua romantike eshte te berit gjerat bashke ne cift, mundesisht pa bere shume plane ;).Per sa i perket marteses besoj se partneri/partnerja ne radhe te pare duhet te jene shoket me te mire per njeri - tjetrin.Komunikimi dhe vleresimi e bejne nje marredhenie njerezore te qendrueshme.


#9

Nuk riparohet gota e thyer,ka mbaruar ai muhabet,martesa ka vdekur thjesht nuk po e shpallin.


#10

Neqoftese eshte keshtu, atehere kot me qene konservator, e me sakrifiku. Osht ma mire me bo qef si liberal, boju liberal ke per te bo qef sa te dush. Filloje duke pallu Trumpin n’sume, osht me i mire se jevgu si muskul unazor.


#11

Qe them nje te vertete,nuk me ben liberal.
Duam apo nuk duam kjo eshte e verteta,martesa ka vdekur.


#12

Atehere ka vdek edhe bota me te gjitha!

Por ne fakt kan vdek qe te dy felet politike majte dhe djathte, liberal dhe konservator, tani nuk kuptohet se kush eshte me kerme nga te dyja.

Dhe sepse jane kerme vete, e duan edhe boten te vdekur, bashke me martesen e vdekur te Ana Karenines me Ema Bovarine dhe zhardinen, seks grup lesbo.


#13

#14

qyqja, qyqja. dy pike shtate mije shikime


#15

Martesa perjetohet nga Cifti i perfshire ne te dhe jo nga sehirxhinjte qe kalojne opinione me nota superioriteti.
Martesa merr fund kur Cifti ne fjale thote qe ka marre fund dhe jo kur fshati merr vendimin totalitar per vlefshmerine apo jo te saj.
Ndoshta eshte me mire qe individet te pershihen me shume ne marredheniet e tyre martesore a para martesore se sa ne gjykimin me dylbi se cfare bejne te tjeret.


#16

Nuk dua te zgjatem shume por mendoj qe gjithshka perjetojme si kur jemi te martuar dhe beqare varet nga si e mendojme lumturine dhe sa krahasohemi me te tjeret qe na duken neve te lumtur. Keto te dyja ndryshojne me moshen ndaj nuk mund te jesh njesoj ne fillim te marteses me kur kane kaluar 10 vjete psh.


#17

Ky eshte Sekreti qe pas 10 vjetesh marredhenie gjerat nuk jane njesoj por ca gjera jane me mire. Blendi me te drejte sugjeron ti shtojme ate qe qe quhet pikante ne martese dhe sipas midese se cdo individi pikantja eshte individuale dhe natyrore.
Spice Up the Relationship


#18

Pse qeke n’hall ti prej fshatit totalitar qe i shef çiftit martum leshin me dylbi, kur ti vete, si edhe gjithe demokratet e mdhej mer jau, gjithe diten e lume i shifni Trumpit dhe Sales çdo qime leshi me mikroskop?


#19

zgjatu motra, zgjatu


#20

ha ha :grinning: