SKANDAL/ Pronari i gazetës “Telegraf”, Agim Çiraku, gjoba ministrive për tendera
Si një person që ndjek prej kohësh median shqiptare, me ka bërë përshtypje Gazeta “Telegraf”, e cila kur degjoj gazetat në emisionet e mëngjesit në televizione, publikon shumë skandale. Por duke i shfletuar me vëmendje kanë zero përmbajtje. U interesova pak më shumë dhe pyeta për pronarin e kësaj medie, i cili është Agim Çiraku, një ndërtues pallatesh që prej kohësh është i zhytur në krizë financiare. Dhe rrugëdalja e vetme nga kjo krizë është kthimi e gazetës së tij në një pisqollë, duke vendosur gjoba ndaj kujdo që i del para, dhe që kujton se mund ti zhvasë diçka. Një titull i fundit që Agim Çiraku hapte gazetën ishte lajmi se duhet të arrestohen dy krerët e sindikatave të pavarura, Kol Nikolla dhe Gëzim Kalaja. Një dramë e vërtetë, pasi sindikatat janë institucione që duhen respektuar dhe jo sulmuar në këtë farë feje.
Por problem me Agim Çirakun dhe Ëngjellin e tij, me mbiemrin e një heroi, nuk qëndron se e ngre çëshjen për aspekte parimore, por ka vendosur gjoba ndaj sindikatave, pse jo duke kërkuar ndonjë ambient, që sindikata i ka me shumicë. Por s’dua të fokusohem vetëm te ky skandal i zbuluar nga ndërtuesi i pallateve që vendos gjoba, më herët kritikoi edhe Ministrinë e Jashtëme dhe Ministrinë Ditmir Bushati, sepse kishte emëruar një diplomate një person që nuk i pëlqente Çirakut. Sulmeve nuk i ka shpëtuar as Ministria e Bujqësisë dhe konkretisht Agjensia e Zhvillimit Bujqësor e Rural, arsyeja? Shumë e thjeshtë pronari i Telegraf ka kërkuar ndonjë tender me mënyrat e tij, duke përdorur pisqollën mediatike dhe jo ligjin.
Një denoncim i fundit i kësaj gazete ishte marrë nga facebooku, ku akuzonte Ministrinë e Zhvillimit Urban, se ka shpallur fituesin para kohe, për qëndrën historike të Gjirokastrës. Prova zero, por ka mjaftuar një status në facebook i urbanistit Besnik Aliaj. Do thoni ishte shkrim parimor, Jo, Çiraku duhet të ketë kërkuar tendera, se ka marrë dhe direkt, gati në sulm. Sulmeve nuk i ka shpëtuar as Ministria e Transportit dhe Drejtoria e Rrugëve, edhe këtu zero prova. Por besoj si dhe më lartë pronari i gazetës ka kërkuar ndonjë tender, duke bërë presionet e zakonshme, dhe se ka fituar. Situatë e njëjtë me Ministrinë e Mbrojtjes, sulme dhe zbulim skandalesh, zero prova, gjoba dhe vetëm gjoba.
Por më tej ky pamflet sulmet i ka vazhduar me argumenta dhe prova ndaj Ministrisë së Arsimit e Drejtorive Rajonale, Ministrisë së Energjitikes dhe OSHEE, ku edhe këtu nga informacionet që thonë gazetarët kërkoi tender nuk e mori, dhe mbushi faqet e para me gjoja skandale. Pa harruar Ministrinë e Shëndetësisë dhe QSUT, prova zero akuza pafund. Pra shikoni më vëmendje kjo gazetë sulmon ato Ministri dhe Drejtori nga ku mund të vilen para, s’ka asnjë denoncim për institucione të tjera. Objektivi është i qartë, presion ose tendera.
Nuk duhet të ndalem shumë, besoj se tregu dhe lexuesi është aq i zoti sa të zgjedhë më të mirën, dhe kjo gazetë me një tirazh 100 kopje të shitura në ditë dhe me gabime ortografike skandaloze, është aty ku e meriton. Jam i sigurt se gazetarët që punojnë atje nuk janë dakort, dhe kam respekt, por problem është Çiraku. Por unë dua ta mbyll me një sugjerim për parlamentin, tani që u dekriminalizua parlamenti: PSE TË MOS DEKRIMINALIZOJMË MEDIAT?! Duhet që shoqëria civile, të jetë më e ndërgjegjshme për investigimin dhe çuarjen deri në fund të këtyre pretendimeve, që të investigohen deri në fund për të zbuluar të vërtetën dhe mos t’ja lënë në dorë mediave dhe pronarëve të papërgjegjshëm. Sadik Musa Çiraku.